Itali – Tre shqiptarë arrestohen dhe katër të tjerë shpallen në kërkim

Tre shqiptarë janë arrestuar dhe katër të tjerë janë shpallur në kërkim pasi dyshohet se janë pjesë e një grupi, i cili kryente vjedhje apartamentesh në Itali.

Sipas mediave fqinje, të arrestuarit janë përgjegjës për 30 vjedhje në apartamente në zonat midis Trentos dhe Bolzanos.
Nga të dhënat e para nuk bëhet me dije identiteti i të arrestuarve, ndërsa vijojnë hetimet për identifikimin dhe më pas kapjen e të tjerëve.

Nga hetimet e kryera rezulton se autorët vepronin me të njëjtën strategji, duke thyer dyert e apartamenteve dhe më pas kryenin vjedhjet, të cilat përllogariten në mijëra euro.

Dyshohet se sendet e vjedhura ose i transportonin për në Shqipëri ose i shisnin në tregun e zi.