Muaj më parë Agron Llaka filloi ta imitonte Eni Çobanin tek show i tij “Al Pazar” dhe për këtë arsye ajo e hodhi atë në gjyq. Në intervista të ndryshme ajo ishte shprehur se këtë punë do e çonte deri në fund dhe se Agron Llakaj do merrte çfarë meritonte.
Mesa duket me kalimin e kohës gjërat paskan ndryshuar. Gjatë një interviste në “Pop Culture” Eni Çobani nuk ishte më e revoltuar me Agronin, madje shprehu se gëzon respekt të madh për të.
“Agroni është një artist i madh në formatin e tij. Është një humorist me një karrierë të jashtëzakonshme. Unë jam e rregulluar me këdo, i cili jep një kontribut në shoqërinë shqiptare për mirë. Dhe mjafton që ai i bën njerëzit për të qeshur. Kështu që, bravo Agron Llakaj që bën njerëzit për të qeshur. Dhe e përshëndes!”, – ka treguar Eni lidhur me marrëdhënien e saj me Llakajn.
