Aplikacioni TikTok, i njohur për videot e tij të kërcimit, ishte faqja më e vizituar në botë në internet për vitin 2021, duke tejkaluar liderin e vitit të kaluar Google, sipas Cloudflare Inc. NET, një kompani e infrastrukturës që merret me trafikun e internetit.
Aplikacioni, në pronësi të ByteDance Ltd., me bazë në Pekin, ka pasur një rritje të shpejtë, duke tërhequr njerëzit me algoritmin e tij me video të shkurtra interesante.
Falë këtij aplikacioni shumë njerëz kanë marrë famë botërore duke përmendur këtu Addison Rae apo Charlie D’Amelio. Në fillim të këtij viti, TikTok tha se kishte më shumë se një miliard përdorues në muaj.
TikTok, në pronësi të kompanisë kineze, u bë i disponueshëm në mbarë botën në gusht 2018 kur u bashkua me një aplikacion tjetër të njohur, Musical.ly. Pasi TikTok dhe Musical.ly kombinuan shërbimet e tyre, aplikacioni u rrit në mënyrë eksponenciale në popullaritet.
TikTok pa një rritje veçanërisht masive gjatë pandemisë, pasi njerëz të të gjitha moshave u vërshuan në aplikacionin që më parë ishte konsideruar një platformë kryesisht për adoleshentët. Sipas ‘’Statistica’’, TikTok pa një rritje të përdorimit prej 180% tek moshat 15-25 vjeç. Në tremujorin e parë të vitit 2020, kur efektet e COVID-19 filluan të preknin shumë në mbarë botën, TikTok kishte 315 milionë shkarkime në mbarë botën, raportoi Agjencia Tug.
Në korrik të këtij viti, të dhënat e Sensor Tower zbuluan se TikTok ishte shkarkuar mbi tre miliardë herë – një moment historik që vetëm Facebook e kishte arritur para tij
