Një hetim evropian është duke u zhvilluar për një person të akuzuar për një nga vjedhjet më të mëdha në historinë ligjore angleze, ka zbuluar një hetim i BBC.
Alfredo Lindley thuhet se ka udhëhequr një sërë vjedhjesh në shtëpitë luksoze të tre të famshëmve në dhjetor 2019 – duke përfshirë një bastisje prej 25 milionë funtesh në shtëpinë e trashëgimtares së F1, Tamara Ecclestone.
Autoritetet italiane gjithashtu akuzojnë Lindley për bastisjen e shtëpisë së Patrick Vieira, tani menaxher i Crystal Palace, në vitin 2009.
Lindley besohet të jetë në Beograd.
Shtetasi peruan 40-vjeçar ka precedentë penalë në Itali për mashtrime dhe vjedhje me identitete të shumta që datojnë që nga viti 1995, sipas dokumenteve gjyqësore të siguruara nga BBC.
Informacioni tregon në dekadën e kaluar Lindli ka përdorur të paktën 19 pseudonime – duke përfshirë Daniel Vukovic, Ljubomir Romanov dhe Ljubomir Radosavlejic.
Dokumentet tregojnë se këto identitete kanë lidhje me qytete të ndryshme evropiane, duke përfshirë Beogradin, Sarajevën, Milanon dhe Zagrebin.
Nën emrin Ljubomir Romanov, Lindley u paraqit përpara një gjykate në Beograd më 27 gusht, përballë ekstradimit në Britani të Madhe.
Rasti është ngritur nga departamenti i specializuar për krimin e organizuar i Republikës së Serbisë. Megjithatë, ekstradimi u refuzua nga autoritetet serbe dhe Lindley ende besohet të jetë në Beograd.
Ai figuron si bashkëpronar i një biznesi ndërtimi në qendër të qytetit.
Sipas letërnjoftimit të lëshuar nga qeveria serbe, adresa e tij e shtëpisë është në qytetin e Obrenovcit, një komunë e Beogradit.
Detektivët e Policisë së Met thonë se Lindley “kërkohet për t’u marrë në pyetje në lidhje me një seri vjedhjesh me vlerë të lartë të kryera në dhjetor 2019 në lagjen Kensington dhe Chelsea”.
Gjatë 13 ditëve të para të dhjetorit 2019, rreth 26 milion £ sende u morën nga shtëpitë e Londrës perëndimore të zonjës Ecclestone, Frank Lampard dhe ish-pronarit të vdekur të Leicester City Vichai Srivaddhanaprabha.
Bastisja vetëm në rezidencën e zonjës Ecclestone – në një nga rrugët më të shtrenjta në botë – besohet të jetë vjedhja më e madhe shtëpiake në historinë ligjore angleze.
Shumica e bizhuterive dhe orëve të vjedhura nuk janë gjetur kurrë.
