Elvana dhe Migena Gjata kanë qenë të ftuara mbrëmjen e djeshme në emisionin “Soiree” për të folur për bashkëpunimin e tyre me këngën “Vendi im”, por edhe për detaje nga raporti i tyre i veçantë.
Migena ka treguar se kur shkon Elvana në Gjermani dalin me biçikleta për të shijuar natyrë. Ajo ka theksuar se Elvana ndihet atje si në shtëpinë e saj dhe është shumë e lirshme.
Ndërsa Elvana ka treguar se dëshiron që të rrijë pa grim dhe sa më e thjeshtë në Gjermani në mënyrë që të mos e njohin, por edhe atje është e pamundur.
“Unë shkoj në Gjermani dhe kur rri aty, rri pa tualet, vishem shumë keq, relaksohem totalisht, duam që të jem e lirë.
Dhe motra thotë, po mirë moj vajzë tani e gjete ti, vjen këtu unë dua të dal me ty ti as nuk vishesh as nuk krihesh.
Qëllimi im është që të mos njihem kur dal rrugëve. Por çfarë ndodh? Ndodh që njihem që çke me të”, tha Elvana Gjata.
