Ditë zie për kinematografinë amerikane! Aktori i famshëm, Peter White, i njohur për punën e tij në telenovelën “All My Children” dhe në adaptimet e “The Boys in the Band”, ka ndërruar jetë më moshën 86-vjeçare.
Lajmi i trishtë u konfirmua nga aktorja e “All My Children”, Kathleen Noone për “The Hollywood Reporter”. White ‘mbylli sytë’ në shtëpinë e tij në Los Angeles të mërkurën.
Aktori i lindur në Nju Jork, i cili kishte festuar ditëlindjen e tij të 86-të muajin e kaluar, portretizoi personazhin Linc Tyler në “All My Children” të ABC në 12 episode të serialit nga 1976-2005, sipas iMDb.
White luajti rolin e Alan McCarthy në “The Boys in the Band”, si në skenë ashtu edhe në filmin e vitit 1970 nga regjisori William Friedkin. Ai filloi të shfaqej në rol në prill të vitit 1968 në ambientet jashtë Broadway.
Aktori i njohur ishte i diplomuar në Universitetin Northwestern dhe gjithashtu kishte studiuar zanatin e tij në Shkollën e Dramës Yale.
Ai filloi në televizionin CBS The Secret Storm nga 1965-1966, duke portretizuar personazhin Jerry Ames, ai gjithashtu u shfaq në serialin NYPD në 1968 në një rol të ftuar.
