Një lajm i trishtë ka ardhur për botën e kinematografisë. Është ndarë nga jeta në moshën 68-vjeccare aktori i “Game Of Thrones”, John Stahl.
Aktori skocez luajti rolin e Rickard Karstark në dy seri të serialit të famshëm. Agjentja e tij, Amanda Fitzalan Howard e përshkroi atë si “një aktor me aftësi të jashtëzakonshme dhe një personazh të fortë të teatrit skocez”.
“John ishte një aktor me aftësi të jashtëzakonshme dhe një njeri i fortë i teatrit skocez, ku u shfaq në prodhime të shumta, si dhe në The Royal Shakespeare Company dhe The National Theatre”, u shpreh ajo duke shtuar se ndërroi jetë në Ishullin Lewis më 2 mars 2022 dhe la pas gruan e tij, Jane Paton.
Në karrierën e tij, Stahl u shfaq gjithashtu në prodhime të shumta teatrale, duke përfshirë shfaqje në The Royal Shakespeare Company dhe The National Theatre. Pas lajmit tragjik për vdekjen e tij, fansat dhe kolegët e tij ndanë homazhe të përzemërta për aktorin.
