Ndërron jetën në moshën 77-vjeçare aktori i njohur shqiptar Rikard Ljarja.
Aktori prej disa kohësh vuante nga një sëmundje e rëndë dhe nuk dilte nga shtëpia.
Mësohet nga burimet se ceremonia mortore për shkak të situatës do jetë me rrethin e ngushtë familjar.
Amaneti i tij ka qenë të prehet në Shkodër dhe bëhet me dije se atje do të zhvillohet edhe ceremonia mortore.
Rikard Ljarja është është një aktor i teatrit dhe kinemasë shqiptare.
Në vitin 1960 mbaroi maturën në Shkodër kurse në vitin 1965 u diplomua në Shkollën e Lartë të Aktrimit “Aleksandër Moisiu”, Tiranë.
Për tetë vite, pas diplomimit, punoi aktor i teatrit në Teatrin “Migjeni” në Shkodër.
Prej vitit 1973 deri në vitin 1996 ai ishte aktor, skenarist dhe regjisor i filmave të prodhuar nga kinostudiot. Prej 1996 deri 2002, kur doli në pension, ishte drejtor artistik në televizionin publik shqiptar.
