Edhe ditën e sotme nuk ka pasur një konsensus nga palët politike pas mbledhjes së Komisionit të Ligjeve, ku opozita parlamentare vendosi që të largohet.
Një orë pas mbledhjes u kërkua nga deputeti Ralf Gjioni që të kishte një pushim që palët të mund të diskutonin me njëri-tjetrin. Por pas pushimit opozita e bojkotoi mbledhjen duke mos vazhduar më tej.
“Vendosem ta bojkotojmë seancën e sotme sepse nuk shohim vullnet pozitiv nga maxhoranca për të realizuar atë reformë madhore për të cilën gëzojmë sot mbështetjen e shumicës së shqiptarëve, pra hapjen reale dhe 100% të listave. Nëse maxhoranca do të vazhdoje në ketë rrugë, duke ardhur me drafte të cilat nuk synojnë hapjen e listave por mashtrimin e shqiptarëve, ne nuk do të bëhemi pjesë e kësaj loje të shëmtuar, le ta bëjnë vete. E di që shumë qytetarë ndoshta edhe janë lodhur nga ky debat, dhe ky ndoshta është edhe qëllimi i kastës së vjetër politike, ti lodhe qytetaret tej mase e më pas të bëjnë atë që kanë bërë gjithnjë, të gënjejnë, por kjo qe po bëjmë është shume e rëndësishme jo për sot, por për 30 vitet e ardhshme. Na duhet qe këtij vendi ti rikthejmë demokracinë si një mjet për të rritur mirëqenien dhe zhvilluar ekonominë. Ne nuk dorëzohemi”, është shprehur Hajdari.
