Korçë – Plagoset me armë zjarri një i ri , 6 të shoqëruar në polici

Një person ka mbetur i plagosur gjatë natës në Korçë. Sipas të dhënave të para ngjarja ka ndodhur rreth orës 2:00 të natës, ku një 27-vjeçar me inicialet R.M. ka mbërritur në Spitalin e Korçës i plagosur në këmbë me armë zjarri.

Policia është njoftuar për ngjarjen dhe ka nisur menjëherë hetimet. Deri tani janë shoqëruar 6 persona. Dyshohet se i riu është plagosur pas një konflikti të çastit. Policia vijon veprimet hetimore për zbardhjen e ngjarjes.

(BalkanWeb)