Kryetarja e LSI-së Monika Kryemadhi e ftuar në Syri Tv, ka hedhur akuza të rënda ndaj ish ministrit të Brendshëm Saimir Tahiri, teksa tha se me urdhër të tij është përgjuar.
“Ju e dini shumë mirë që aparatura e përgjimit IMSI capcher hyri nëpërmjet Drejtorisë së Burgjeve, që e përdori Saimir Tahiri.
Kështu që unë nuk kisha asnjë informacion që të përgjoja as drogaxhinjtë, as trafikantët, as politikanët.
Përkundrazi, kam qenë viktimë e përgjimit nga Zoti Tahiri, nga ai tjetri i SHIK-ut, Rama.
Nuk e kam problem fare unë atë historinë e përgjimit, biles më mirë.
Se ajo të mban edhe në tempus”, tha Kryemadhi, ndërsa shtoi se edhe tani po bëhen përgjime.
Loading...
