Emra të njohur nga fusha të ndryshme, duket se janë pjesë e listës së publikuar nga hakerat iranianë.
Këngëtari i muzikës popullore, Spartak Xhaferraj rezulton gjithashtu si pjesë e kësaj liste.
Këngëtari është bërë i njohur me këngën e titulluar “Qejf o qejf i qerrata”, por nuk dihen ende arsyet pse figuron emri i tij në këtë listë me të dhëna.
Sot hakerat “Homeland Justice” publikuan të dhëna që sipas tyre kanë dalë nga kartoteka e Policisë së Shtetit dhe programit MEMEX. Por çfarë është MEMEX?
MEMEX njihet edhe si Sistemi i Menaxhimit të Informacionit Kriminal dhe është mjeti kryesore në punën e Policisë së Shtetit.
MEMEX mban të dhëna sekrete të policisë mbi çdo eksponent kriminal. Ky sistem shërben për marrjen dhe transmetimin e njoftimeve për ngjarjen kriminale të ndodhur, informacionit policor si dhe të dhënave për personat e implikuar në këto ngjarje apo informacione. Publikimi i sotëm dekonspiron gjithçka dhe e zhbën këtë sistem.
