Një ngjarje e rëndë ndodhi para disa ditësh në Greqi, ku mbeti i vrarë 53-vjeçari Edmond Llangozi për borxhin 600 euro që kishin djemtë e tij. Gjithçka ndodhi mbrëmjen e 13 Janarit, kur dy djemtë, Mihal dhe Anxhelo do të takonin një person për ti kthyer sasinë e parave.
Aty u përballën me të paktën 5 persona, të cilët ishin të vendosur të përlesheshin me armë. Bëhet me dije se një djalë, i njohur si “Soni kokëmadhi” nga Lezha qëlloi të paktën 8 herë me armë dhe për pasojë mbeti i vdekur babai, i cili donte të mbronte djemtë.
Anxhelo ka rrëfyer ngjarjen për mediat greke duke thënë: “Na dolën përpara, na ndoqën me armë, na vunë në shënjestër, hynë në një kafene qëlluan vëllain tim, hyra dhe unë ta ndihmoj, hyri dhe im atë, dhe ndodhi ajo që ndodhi.
Qëlluan tim atë. E qëlluan 4 herë. Një plumb e kapi. Babai im ishte njeri familjar, nuk ishte i ngatërruar me asgjë. Atë që bëri e bëri të mbrojë fëmijët e tij, as për para as për gjë tjetër.” tregon ai ndërsa rrëfen se si pasojë e të shtënave ka marrë plagë në kokë.
“Po, mua më qëlluan me armë. Vëllai im nuk kishte diçka serioze. Thjesht, nga plumbat që qëlluan, e zuri një në dorë. Vëllai im kishte marrë ca para borx, rreth 600 euro dhe atë ditë më tha se do shkojmë t’i takojmë të kthej paratë pas”, rrëfen i riu, i tronditur për gjithë sa ndodhi.
53-vjeçari Edmond Llangozi emigroi drejt shtetit fqinj Greqisë, në vitet ’90, ku bashkë me familjen jetoi atje për rreth 30 vite.
Ai punonte ndershmërisht në një fabrikë në Greqi dhe gëzonte besimin e drejtuesve dhe kolegëve të tij.
Po ashtu, në lagjen ku banonte ishte një njeri i respektuar nga të gjithë. Ngjarja e rëndë u trajtua në emisionin e Tatiana Stefanidu përmes një reportazhi të gjerë.
Moderatorja u referua dhe në deklaratat e pronarit të fasonit ku punonte prej 35 vitesh viktima, i cili ishte plotësisht i shokuar pasi e konsideronte njeriun më të ndershëm, më të mirë, dhe dicka të pabesueshme këtë që ndodhi.
