Një 40-vjeçar shqiptar ka dalë para gjykatës ditën e sotme pasi që joshi një vajzë të mitur, vetëm 14 vjeçe, në një marrëdhënie të neveritshme dhe kriminale, e cila përfundoi vetëm kur policia e prangosi janarin e kaluar teksa ishte me të miturën në një hotel në Omonia.
Sipas mediave greke, ditën e sotme, 40-vjeçari i arrestuar në burgjet e Tripolit, është ulur në bankën e të akuzuarve të Gjykatës së Përzier Jurie të Athinës, përballë jo vetëm akuzës për marrëdhënie seksuale me një të mitur nën moshën 14 vjeç, por edhe atë të rrëmbimit.
Sipas provave të dosjes, të publikuara sot nga “Espresso”, “lidhja” e të miturës me shqiptarin, baba i dy fëmijëve në moshën e viktimës dhe që banonte në Elefsinë, ka nisur që kur ajo ishte nxënëse në vit të parë në gjimnaz. Duke e ndjerë se diçka nuk shkonte, nëna e saj kontrolloi celularin e së bijës dhe pa një foto të të dyve në një moment intim, ndërkohë konfirmimin e lidhjes nëna e ka marrë kur ka parë vajzën me 40-vjeçarin në Monastiraki. Ajo i kërkoi me këmbëngulje të largohej nga vajza e saj, duke i thënë se nuk është mirë që të ketë marrëdhënie me një 14-vjeçare, ndërkohë ai duke u shtirur i tha se janë ulur bashkë dhe se e sheh si fëmijën e tij.
Mbrëmjen e 22 janarit, 14-vjeçarja dhe një mikesha e saj, kur pa se mamanë e saj e kishte zënë gjumi, janë larguar për të takuar shqiptarin në Athinë. Gruaja, kur u zgjua në mëngjes dhe pa vajzat e zhdukura dhe i telefonoi dhe ata e qetësuan duke thënë se po kthehen. Por kur ka ardhur mëngjesi dhe 14-vjeçarja nuk ishte kthyer, nëna duke kërkuar llogaritë e saj në rrjetet sociale ka konstatuar se e kishte kaluar natën me 40-vjeçarin në një hotel në Omonia.
Ajo ka denoncuar menjëherë gjithçka në polici dhe në ato momente policia ka dalë me nxitim nga hoteli dhe sapo shqiptari ka dalë me vogëlushen e kanë arrestuar. Ekzaminimi mjeko-ligjor është një tjetër parametër që “djeg” 40-vjeçarin, pasi, sipas shkresave të çështjes, u gjetën prova jashtëzakonisht të forta për praninë e materialit biologjik të të pandehurit në sipërfaqen e jashtme të të brendshmeve të të miturës.
Një tjetër dokument është siguruar nga kamerat e sigurisë së hotelit, pasi rezultoi se i akuzuari dhe 14-vjeçarja kanë mbërritur aty në orën 01.46, të shoqëruar nga shoqja e vajzës dhe i dashuri i saj. Me fjalë të tjera, 40-vjeçari është gjetur herët në mëngjes në dhomë me tre të mitur! Natyrisht, çifti i dytë është larguar nga hoteli rreth orës 5 të mëngjesit dhe të dy kanë mbetur vetëm deri në momentin e arrestimit.
Pretendimet e tij se ajo ishte prezantuar me të si një 16-vjeçare, se ai sapo e kaloi natën me vajzën e vogël sepse ishte ftohtë dhe shërbimet e metrosë ishin ndalur dhe se ata nuk kishin pasur kurrë kontakt seksual, në thelb zhvlerësohen nga shënimet që vogëlushja i shkruante.
“Më bëre të të dua dhe çdo ditë më shkatërron. Duhet të kisha dëgjuar të tjerët dhe të largohesha herët. Më mungon trupi yt i mrekullueshëm”, shkruan ndër të tjera ajo, ndërsa në një moment tjetër 14-vjeçarja përshkruan kontaktet e tyre të mëparshme seksuale me detaje rrëqethëse që nuk mund të publikohen por janë përfshirë në shkresa.
40-vjeçari këmbëngul se e gjithë kjo është në imagjinatën e vogëlushes, por dialogu i tij me recepsionisten e regjistruar nga kamerat tregon të vërtetën e zymtë.
