Ai ishte i zhdukur prej 5 vitesh. Skeleti i tij u zbulua krejt rastësisht në një vilë luksoze në Milano gjatë rikonstruksionit të saj. Ekspertiza doli në përfundimin se vi.ktima ishte Astrit Lamaj.
48-vjecari ishte banor i fshatit Tre Vllazër, në Novoselë. I larguar rreh 6 vite më parë për një jetë më të mirë në Itali, ai humbi kontaktet me familjen. Askush nuk dinte asgjë rreth fatit të 48-vjeçarit deri në momentin e ekspertizës së Mjekësisë Ligjore në Itali, që përcaktoi se skeleti i përkiste pikërisht emigrantit shqiptar. Ngjarja ka tronditur të gjithë fshatin Tre Vllazër, që ndodhet jo më larg se 20 km nga qyteti i Vlorës.
Nelo Meminaj, një nga të afërmit e 48-vjeçarit, shprehet se askush nuk e mendonte se fati i Astrit Lamajt do të ishte i tillë, duke treguar qartë tronditjen. Ai tregon se Astriti ishte një djalë i qetë dhe askush nuk e besonte se do të përfundonte në mënyrë kaq tragjike jeta e tij. Pas identifikimit, tashmë pritet që të kryhen procedurat përkatëse për kthimin e trupit të 48-vjeçarit pranë familjarëve.
Kur është larguar Astrit Lamaj nga Shqipëria dhe fshati?
Rreth 6 vite më parë është larguar për çështje ekonomie në Itali. Më ka marrë mua 250 mijë lekë dhe tha se Shqipëria nuk bëhet dhe iku në emigrim.
Kur i ka humbur kontaktet me të afërmit dhe familjen e tij?
Rreth një vit pasi është larguar nga fshati, humbi çdo lloj kontakti me familjen. Ndërsa tani, prej pesë vitesh familja e kërkonte, por askush nuk mendonte në një fund të tillë tragjik të tij. Astriti ishte djalë i mrekullueshëm.
Si e morët vesh lajmin?
Nga mediat italiane dhe gjithçka konfirmon se është ai. Askush këtu në fshat nuk e beson diçka të tillë. Unë e kam edhe si nip, se kështu i thërrisja dhe ishte djalë i mrekullueshëm. Jemi të tronditur nga kjo gjendje.
Si e priti lajmin familja e tij?
Ka hapur dyert e mortit. Priten vizitat atje dhe është familje e mrekullueshme. Trupi nuk dihet se kur vjen sepse do bëhen ato ekspertizat, ato gjërat. Ne jemi totalisht të shqetësuar për këtë fakt. Kjo është tragjedia e katërt që ka prekur këtë familje. Që nga i ati që i ra infarkt, i vëllai u përmbys me zetor dhe ndërroi jetë kur ishte vetëm 18 vjeç dhe e motra u përfshi në një aksident te mbikalimi i Panajasë, ku mbeti e vdekur. Kjo është tragjedia tjetër që prek këtë familje.
Si u gjet trupi
Trupi i Astrit Lamajt u gjet i murosur në një vilë luksoze në Milano, më 15 janar. Sipas ekspertizës, bëhet fjalë për skeletin e Astrit Lamajt, i datëlindjes 1971. Shqiptari rezultonte i zhdukur e pa gjurmë 5 vite më parë në Xhenoa. Zbulimi erdhi pas konstatimit të skeletit në një vilë të shekullit të 18-të në Milano, ndërsa po kryhej restaurimi i saj. Pas ekzaminimeve të Mjekësisë Ligjore, rezultoi se bëhej fjalë për Astrit Lamajn, i denoncuar i zhdukur në janar 2013. Policia italiane thotë se shqiptari rezulton si person me precedentë penalë në fushën e tra.fikimit të lëndëve nar.kotike. Ende nuk është përcaktuar shkaku i vd.ekjes, por hetuesit thonë se ajo ka qenë e dh.unshme. Gjithashtu, po hetohet edhe shkaku që çoi në vr.asjen e emigrantit shqiptar dhe gjetjen e autorëve.
