Presidenti i Republikës Ilir Meta publikon një foto me një shënim të shkurtër:
“Foto e jetës sime. Shqipëria e para!” – shkruan Meta.
Ai iu ka kujtuar shqiptarëve ditën kur ai u betua se “Presidenti i Republikës është Kryetar i Shtetit dhe përfaqëson unitetin e popullit.”
Ky mesazh i Metës ka ardhur në një kohë kur Parlamenti, pasditen e 8 korrikut 2019, vendosi ngritjen e komisioni hetimor, bazuar në kërkesën e një grupi deputetësh, për shkarkimin nga detyra të Presidentit Ilir Meta.
Këta deputetë kishin bindjen se dekreti i Presidentit për anulimin e datës së zgjedhjeve vendore, ishte në kundërshtim me parimet kushtetuese të një Republike Parlamentare.
Vendimi “Për ngritjen e komisionit hetimor parlamentar për kontrollin e ligjshmërisë së veprimeve të kryera nga ana e Presidentit të Republikës së Shqipërisë…” u miratua me 101 vota pro, 6 kundër dhe 3 abstenim.
