Ka përfunduar mbledhja e kryeministrit Edi Rama me drejtuesit politikë në qarqe, që u zhvillua në selinë e PS-së.
Rama ka thënë se do të dalë kërkesa për vlerësimin e ministrave, ku në të mund të japin vlerësim edhe qytetarë që nuk janë pjesë e anëtarësisë së PS.
Sa i përket kandidaturave që do të votohen të premten, Rama nuk zbuloi nëse janë përzgjedhur ose jo.
Rama: Jemi në procesin e një ndërveprimi të ri me anëtarësinë që ka filluar nga kodet digjitale për të dhënë vlerësimin për deputetët e qarqeve.
Pas pak ditësh do të dalë edhe kërkesa për vlerësim për ministrat, që do të jetë përtej anëtarësisë.
Ndërkohë po përgatisim edhe hapin e tretë që është ftesa për të konsideruar shprehje interesi për të përfaqësuar komunitetin në Parlament me skuadrën e PS.
I keni përzgjedhur kandidaturat që do të votohen të premten?
Rama: Nuk do flas sot për atë që do ndodhe të premten, se deri atëherë ka shumë kohë përpara.
