Një ngjarje e rëndë tronditi mbarë opinionin publik paraditen e djeshme. Kujtojmë këtu se Olsian dhe Rezarta Hajdari u gjetën të helmuar në dhomën e tyre.
19- vjeçarja ndërroi jetë, kurse burri i saj raportohet se është ende në gjendje të rëndë. Ata të dy ishin martuar të dielën.
Kujtojmë këtu se Olsi Hajdari u gjet shtrirë përkrah saj me shkumë në gojë. Po ashtu u raportua se policia nuk gjeti asgjë gjurmë të helmit që mund të jetë përdorur në dhomën e dy të rinjëve në fshatin Xhyrë, të Librazhdit.
Ndërsa gazeta ‘Si’ shkruan se mjekët ligjor e kanë konfirmuar se dy të rinjët kishin pirë fotoksinë. Sipas mjekëve dje u tha:
Olsi Hajdari vazhdon të mbahet në reanimacion dhe dyshimet paraprake të tyre janë se helmimi i pacientit është me fostoksinë.’’
Gjithashtu dje u tha se Rezarta ishte gjetur duke u përpëlitur në krevatin martesor nga vjehrra e saj, kurse Olsiani ishte me shkumë në gojë. Ende mbetet mister se në cilat rrethana ka ndodhur kjo ngjarje e rëndë.
Dje u raportua se policia po heton edhe pistën se dy të rinjtë mund t’i kenë helmuar dhe se në pyetje janë marrë disa nga të afërmit e tyre. Si shikohet dhe në foto, zbukurimet e dasmës nuk ishin hequr ende nga shtëpia e të rinjve.
