Në studion e ‘Opinion’ Mustafa Nano ka shpërthyer kundër kryeminsitrit Rama. Ai tha se Rama është i demotivuar dhe sipas tij po bën gabim që po rri ende në karriken e kryeministrit. Nano tha se i vjen turp që Rama është kryeministri i tij.
“Unë këtë protestë e kam parë si një protestë kundër qeverisë deri tani me çfarë është shprehur dhe është ok, është kundër Ramës. Unë kam parë nga ana tjetër deri tani një kryeministër që mua kurrë nuk më ka bindur Rama në mënyrë kaq spektakolare sa këtë herë që ai nuk është për atë punë. Edi Rama është një njeri i lodhur, i demotivuar nuk ka asnjë motivim për të bërë atë punë. Nuk e di pse rri akoma. E shoh që vjen vërdallë, takon studentët, janë takime pa asnjë lloj kuptimi. Është thjesht një show, Edi Rama është një kryeministër memesh.
Kur e pashë në studion tënde Fevzi javën e kaluar më erdhi turp që është kryeministri im. Ishte një njeri që ngrinte zërin dhe kishte një gjestikulacion të rëndë sikur ishte i droguar”, u shpreh Nano.
(m.k/BalkanWeb)
