Ish-presidenti i Pakistanit, gjenerali Pervez Musharraf, ka ndërruar jetë në moshën 79 vjeçare, në Dubai pas një sëmundjeje të rëndë nga e cila vuante prej disa kohësh, raporton “Aljazeera”.
Ish gjenerali vuante nga amiloidoza, një sëmundje e rrallë që shkakton dëmtime të organeve. Në një deklaratë të shkurtër, personeli i lartë ushtarak shprehu “ngushëllime të përzemërta” për vdekjen e ish-sundimtarit ushtarak.
“Allahu e bekoftë shpirtin e të ndjerit dhe i dhëntë forcë familjes së të ndjerit”, shprehen ata.
Musharraf, një ish-komando i forcave speciale, u bë president gjatë fundit të një vargu grushtesh shteti ushtarak që tronditën Pakistanin që nga themelimi i tij mes ndarjes së përgjakshme të Indisë në vitin 1947. Ai mori pushtetin duke rrëzuar kryeministrin e atëhershëm, Nawaz Sharif.
Ai drejtoi shtetin e armatosur me armë bërthamore pas grushtit të shtetit të tij të vitit 1999 përmes tensioneve me Indinë, një skandali të përhapjes atomike dhe një kryengritjeje. Ai dha dorëheqjen në vitin 2008.
