Ndërron jetë një tjetër mjek në Kosovë, si pasojë e infektimit me Covid-19.
Bëhet fjalë për Internistin dhe Nefrologun nga komuna e Vitisë, Feti Hetemi,
Mjeku ka ndërruar jetë në orët e para të mëngjesit të sotëm.
Lajmi bëhet i ditur nga familjarë të tij.
“Të nderuar familjarë, shokë dhe miq, me pikëllim të thellë ju njoftojmë se sot në orët e para të mëngjesit ka ndërruar jetë më i dashuri i ynë Dr.Feti Hetemi.
Doki, edhe pse u sfidua në jetë nga shumë stuhi të natyrave të ndryshme dhe i përballoi ato kryelartë, sot ka humbur betejën me sëmundjen Covid-19.
Ndjehemi të trishtuar nga kjo humbje, por më shumë se krenar që e patëm.
Lamtumirë Dok, burrë fisnik që me shumë mund dhe sakrificë arrite në piedestalet e humanitetit dhe çështjes kombëtare, duke mos pushuar për asnjë moment me shpirtin tënd luftarak për të mposhtur padrejtësitë”, shkruhet në postimin e një prej familjarëve të mjekut të ndjerë.
