www.boatripalbania.com

Në 2009, mori famë për tetënjakët.Si duken fëmijet sot?

By /

Nadia Suleiman ishte në faqet e të gjitha mediave në vitin 2009, kur ishte shtatzënë me tetë bebe.

Ajo mbeti shtatzënë nëpërmjet metodave artificiale, dhe u akuzua se e bëri gjithçka për vëmendje dhe për të marrë shërbime shoqërore. Ajo u sulmua aq shumë, sa kur doli nga spitali e priste një tufë me protestues para shtëpisë.

Urrejtja nga publiku u bë aq e madhe, sa njerëzit në SHBA thoshin që duhej sterilizuar. Të tjerë e tallnin duke u veshur si ajo për hallouin dhe karnavale, jo vetëm në SHBA por dhe në vende të tjera.

Tashmë nënë e 14 fëmijëve, (gjashtë me shtatzëninë e parë) ajo rrëfen historinë e saj, dhe se si jeta në SHBA nuk ka qenë aspak e lehtë me 14 fëmijë dhe pa bashkëshort.

www.boatripalbania.com
Sot fëmijët kanë mbushur 10 vjeç. Të tetë janë të shëndetshëm dhe të lumtur. Por kur dolën nga spitali, pasi lindën, te dera e shtëpisë kishin protestues.

Në vitin 1996, Nadia Sulejman u martua me Markos Gutierrezin dhe që ditën e parë e dinin që donin shumë fëmijë. Por mjekët thanë që çifti nuk bënte dot fëmijë. E vetmja zgjidhje ishte fertilizimi “in vitro”, të cilin bashkëshorti nuk donte ta bënte. Ai i tha që po ta bënte, do të ndaheshin.
Nadia zgjodhi fëmijët para bashkëshortit ndaj vendosi të ndahet e të vazhdonte fertilizimin artificial, por gjërat nuk shkuan siç priste.
Për procedurën “in vitro”, gruas i hiqen vezët nga trupi. Më të shëndetshmeve u vendoset sperma në një laborator.
Pasi qelizat të jenë ndarë, futen sërish në barkun e nënës, për të vazhduar procesin natyral në mitër.
Por ngaqë është e kushtueshme, dhe prapë s’ka rezultate 100%, mjekët vendosin më shumë se një vezë të fertilizuar.
Kjo bën që në shumë raste, prindërit të lindin më shumë se një fëmijë. Gjasat janë për binjakë e trinjakë.
Nadia nuk e kishte menduar këtë, ajo thjesht donte të bëhej nënë. Ajo priste të kishte binjakë, ndoshta edhe trinjakë. Por gjashtënjakë? Kjo ishte me shtatzëninë e parë.
Megjithatë ajo solli gjashtë fëmijë në jetë. Çuditërisht, nuk i mjaftoi. Nadia donte më shumë fëmijë.
Ashtu si më parë, ajo ndoqi metodën “in vitro” dhe vendosi shumë vezë të fertilizuara brenda trupit. Këtë herë do të bëhej me tetënjakë.
Tetë fëmijët i sollën ndryshime të mëdha në trup, duke i shtyrë organet. Megjithatë, shtatzënia shkoi mbarë.
Java e parë ishte e tmerrshme, sepse ekzistonte mundësia që fëmijët të vdisnin, ngaqë dolën 9 javë herët. Por çdo gjë shkoi mirë.
Nadia u bë shumë e famshme fillimisht mes mjekëve, pastaj nëpër media. Por njerëzit në Kaliforni nuk e pritën mirë ngjarjen.
Për shumë prej tyre, 14 fëmijë ishte numër shumë i tmerrshëm për një nënë. Madje, doktorin e akuzuan se kishte neglizhuar duke i vendosur aq shumë vezë dhe u mor për gjykim.
Në fakt, mjeku e humbi licencën për shkak të numrit të lartë të vezëve të fertilizuara që kishte vënë. Licenca u hoq sepse Nadia s’kishte qenë rasti i parë.
Ajo pagoi një ekip për marrëdhëniet me publikun, për shkak të sharjeve dhe ofendimeve, por kundër saj u përhap urrejtje e madhe.
Ajo thotë që mori shumë kërcënime me vdekje. Disa i thoshin që duhej të ekzekutohej si qen, të paralizohej ose t’i hiqej mitra.
Urrejtja arriti deri aty sa kur doli nga spitali me fëmijët, para shtëpisë ishin mbledhur protestues. Njëri i goditi xhamin e makinës.
Një prej akuzave për të cilat urrehej, ishte se po u merrte para taksapaguesve. Ajo duhej t’i ushqente fëmijët me mbështetje nga shteti.
Të tjerë e akuzuan se po e bënte për vëmendje publike, në kurriz të fëmijëve dhe të taksapaguesve.
Ajo vazhdoi të sulmohej vazhdimisht, pasi akuzohej se nuk ishte e aftë t’i mbante fëmijët. Pronari i shtëpisë ku jetonte me qira e akuzoi se kishte shkelur kontratën, se po i dëmtonte shtëpinë me aq shumë fëmijë, dhe e përzuri.
E dëshpëruar, Nadia nxori një film për të rritur, të titulluar “Oktomamaja: E Vetme në Shtëpi” ku interpretonte vetëm ajo dhe asnjë aktor tjetër.
Pastaj nisi të shfaqet në disa filma artistikë, me role të vogla të parëndësishme, por si përfundim u detyrua të gjejë një punë. Ajo punoi në një klub nate, por pas fare pak javësh u detyrua të shtrohet në një klinikë trajtimi, pasi nisi të vuante nga ankthi.
Mediat nisën ta sulmojnë sërish kur mësuan se ajo i ushqente fëmijët me dietë vegjetariane.
Por gjithsesi, pas shumë mundimeve, ajo arriti të mbarojë shkollën e të punojë në fushën e saj: terapiste familjare. “S’jam ndier kurrë më e lirë se kur nisa të punoj në profesionin tim”, tha ajo.
Tani ajo është e lodhur nga thashethemet, dhe thjesht do të vazhdojë jetën me fëmijët, të cilët duken të lumtur me nënën e tyre.
Loading...

Te ngjashme: