Në këtë fshat në Shqipëri ka vite që nuk bëhen dasma

Prej vitesh nuk bëhen dasma në Kryevidh.

Në fshat ka rreth 300 shtëpi, por nëpër rrugë sheh dyer të mbyllura. Në 60 familjet që kanë mbetur, dyert më së shumti t’i hapin të moshuarit.

Fermerët braktisën tokat dhe shkuan emigrantë, ndërsa të tjerë nuk janë kthyer nga qytetet ku përfunduan studimet.

Prindërit e mbetur në Kryevidh të Kavajës jetojnë me frikën se, pas tyre, në fshatin e braktisur do të pllakosë heshtja.