Sipas burimeve raportohet se një 49 vjeçare nga Kruja e intubuar prej 10 ditësh ka humbur jetën në spitalin Covid si pasojë e koronavirusit.
Mësohet se 49-vjeçarja është nënë e 7 fëmijëve, ndërkohë që ishte infektuar teksa punonte në një fasoneri në Krujë.
Deri tani nga COVID-19, në vendin tonë kanë ndërruar jetën 97 qytetarë, ndërkohë që vetëm javët e fundit shifrat kanë qenë në përkeqësim, për sa i përket numrit të personave të infektuar si dhe humbjeve të jetëve.
Kujtojmë se dje në 24 orët e fundit janë kryer 451 testime, nga të cilat janë 96 raste të reja me Covid 19.
Loading...
