‘Një ‘alo’ e dua cdo ditë’/ ‘Ngrijeni receptorin o bij mos përtoni .Po tmerrohem nga meraku se larg u kam…’

-“NJË “ALO” E DUA ÇDO DITË”
****************************
Ngrijeni receptorin o bij mos përtoni .
Po tmerrohem nga meraku se larg u kam .
Dhe në s’punon telefoni haber me zogj më dërgoni .
Më jep jetë fjalia “Babi unë mirë jam” .
****************************
Se kështu na erdhi pranvera sivjet .
Na mbështolli një frikë të padukshme si lak .
Më shumë se virusi ky ankth po na vret .
Vrastar për Prindin është “virusi” merak .
****************************
Mos më dënoni bijt e mi që nuk isha i zoti .
Se sjam unë i vetmi në këtë botë të pështirë .
Bojë po të ktheheshin do shkruaja roman me pika loti .
Do shkruaja pambarim nga darka në të gdhirë .
*****************************
Ah që si mbledh dot kontinentet sa një gogël .
E ti vendosja shtetet ashtu siç doja vet .
Ta bëja Botën të vogël shumë të vogël .
Se meraku për ju o bij po më vret .
***************************
Ç’them dhe unë i marri pse tallem me vete .
Dashkam të ndryshoj Globin e të bëj hatanë .
Dashkam të sheshoj male , të thaj oqeane e dete .
Unë sisha i zoti o bij që t’ju mbaja pranë .
***************************
Nuk flë gjumë bijt e mi më merrni kur të doni .
Se zgjuar do t’më gjeni nuk flë ditë e natë .
Mos u përpiqni që euro e dollarë t’më dërgoni .
Thesar për mua tani është veç një telefonatë .
*****************************
Të paktën një mesazh nëse hallet s’ju lënë .
Shtatë gërma ta hajë dreqi JAM MIRË dhe kaq .
Nga jasht buzëqesh i jap kurajo tuajës Nënë .
Nga brënda në shpirt qaj me dënesë si një ngordhalaq .
***************************
Kthejmë gjoksin nga vëndet e shënjta lutemi për ju .
Si çdo prind për fëmijët e tyre në botë anë e mbanë .
Të përgjërohemi Zot të përulemi në gju .
Të lutemi Zot qëndrou bijve sa më pranë . .
Arben Nanaj