Ishte një ekspozitë ndryshe nga të parat, sepse kishte një specifikë të veçantë po ta shihje nga këndvështrimi që kish kapur autori. Perëndimet e Vlorës, magjia mbi tokë dhe vërtetë, Met Axhushi si një fotograf me eksperiencë, por më tepër si një artist i zhanrit të fotografisë artistike kishte fiksuar me aparatin e tij çastet më të bukura të perëndimeve të Vlorës mbi horizontin e përflakur të gjirit emblematik të detit.
Të gjithë mund të bëjmë fotografi të bukura përmes aparateve tona fotografik, apo edhe përmes telefonave celular, por fotot e kësaj ekspozite kishin syrin e një mjeshtri, i cili di të kap çastin, di të fiksoi momentin, di të ndal kohën për një sekondë dhe ta fiksoi atë në memorien e aparatit të tij.
Met Axhushi ka një përvojë të vyer në artin e fotografisë, ai është artisti që nuk ja lejon vetës ti humbas çasti, ti humbas moment që natyra të fal, nuk lejon që të humbi rastin. Rasti, thotë mjeshtëri Met Axhushi, është mbret i botës dhe ai nuk do lejuar të kaloi pa u kapur.
Natyra e ka përkëdhelur Vlorën me bukurit e saj, por Vlora fsheh në gjirin e saj artistë të mëdhenj si Ahmet Axhushi që i flet botës me artin e tij të fotografisë artistike, imazhe që të mbeten në memorie dhe që janë pasuri për çdo artdashës për të zbukuruar mjediset e tija familjare apo ato publike.
Ekspozita me perëndimet e Vlorës vazhdon të shijohet në hollin e Teatrit “Petro Marko” në prag të festive të fundvitit dhe kush nuk e ka parë nga afër të mos hezitoi të hidhet një vrap për të qenë i mrekulluar nga përflakja e perëndimeve magjike të Vlorës sonë, qytetit të ëndrrave dhe të diellit!/Clirim Hoxha
