Policia e Sarandë lajmëron se një përmbarues privat është sulmuar me thikë nga një tjetër shtetas.
Sipas policisë, B.N 53 vjeç u godit me send të mprehtë nga ana e shtetasit A.C 54 vjeç.
Përmbaruesi i plagosur është dërguar menjëherë në spital, ku ndodhet jashtë rrezikut për jetën.
Njoftimi i policisë:
Sarandë/Informacion paraprak
Rreth orës 7:20, ka shkuar për ndihmë mjekësore në spitalin e Sarandës, shtetasi B. N., 53 vjeç, banues në Tiranë, pasi gjatë ushtrimit të detyrës si përmbarues privat ( ka shkuar te beje njoftim ) është goditur me thikë nga shtetasi A. C., 54 vjeç, banues në Sarandë.
Aktualisht shtetasi B. N. ndodhet jashtë rrezikut për jetën.
Grupi hetimor po kryen veprimet e mëtejshme për kapjen e autorit dhe sqarimin e rrethanave të ngjarjes.
