Pse Kristiano Ronaldo nuk flet italisht? Kampioni portugez, i cili mbushi dje 36 vjeç, erdhi te Juventusi në verën e vitit 2018, por pas 3 vjetësh, ai nuk është ende në gjendje të japë një intervistë në gjuhën italiane.
Ai përtyp disa fjalë, vonon pak, përpiqet të përdorë fjalën e duhur dhe shprehet në zhargonin e tij, që është një përzierje e portugalishtes dhe spanjishtes.
Për shkak të disa termave sportivë, ai ia del dhe nuk është e vështirë të kuptohet se çfarë po thotë.
Vështirësitë e tij janë të kuptueshme, ato janë të njëjta me çdo të huaj tjetër që arrin në një vend që mungon plotësisht në mekanizmat, sintaksën dhe gramatikën – madje edhe më elementaren – e gjuhës në atë territor.
Por fakti që ai heq dorë menjëherë nga përpjekjet për të folur italisht, është një detaj që nuk ka kaluar pa u vënë re.
Megjithatë, CR7 mësoi anglisht gjatë përvojës së tij në Manchester me fanellën e “Djajve të Kuq” të Fergusonit.
Ai u angazhua mirë në Madrid, gjatë periudhës që luajti në Spanjë (por në atë rast, e ndihmoi shumë ngjashmëria e portugalishtes me gjuhën spanjolle).
Në Serinë A, në Torino, megjithatë, nuk ka qenë e lehtë deri më tani të familjarizohet me italishten.
“Herën tjetër do ta bëjmë intervistën në italisht”, i tha ai gazetarit, në dhjetor 2020, kur arriti kuotën e 79 gola në 100 ndeshje me fanellën bardhezi.
Ai foli disa fjalë, pastaj buzëqeshi, tundi dorën me shumë shkëlqim dhe iu përgjigj pyetjeve në mënyrën e tij.
Ronaldo u largua me vetëdijen, që një kampion i klasit të tij, mund t’i bëhet një tolerim i tillë edhe pas tre vjetësh në një vend.
Megjithatë, jo të gjithë janë aq tolerantë ndaj tij. “Ai është një injorant që nuk ka respekt për shokët e tij të skuadrës dhe madje as për Italianët – tha ish-mbrojtësi i Torinos, Paskuale Bruno. – Ai ka qenë këtu për një kohë të gjatë dhe ende nuk e ka mësuar gjuhën tonë”.
E qartë, pyetja mbetet: pse Ronaldo nuk ka mësuar të flasë italisht ende? Shpjegimi është shumë më i thjeshtë nga sa duket.
Sipas të gjitha gjasave, sepse ai nuk e konsideron të domosdoshme dhe kjo nuk ndikon në mundësinë e komunikimit në fushë dhe në dhomat e zhveshjes me shokët e skuadrës.
Në thelb, ai e di që gëzon një trajtim të veçantë (Juventusi zakonisht mbështet një tutor që mund t’i ndihmojë ata për të gjithë futbollistët e huaj), duke marrë parasysh statusin e tij si një yll futbolli që ka fituar gjithçka dhe gjithashtu mund të mburret me pesë “Topat e Artë” të fituara në karrierë. /noa.al/
