Të shtëna me armë zjarri raportohet se janë dëgjuar këtë pasdite në Lushnjë.
Ngjarja ka ndodhur në afërsi të të stacionit të trenit, ndërsa burime bëjnë me dije se ka mbetur i plagosur, shtetasi Kujtim Mema, i cili ndodhet në spital ku po merr trajtimin e duhur mjekësor.
Në venndgjarje kanë mbërritur forca policore të shumta, të cilat kanë rrethuar zonën dhe po punojnë për iddentifikimin dhe kapjen e autorit të plagosjes së 44 vjeçarit.
Njoftimi i policisë:
Sot rreth orës 16:15, në afërsi të stacionit të trenit, Lushnjë, në rrethana ende të paqarta është plagosur me armë zjarri shtetasi K. M., 44 vjeç, banues në Saravë, Lushnjë, i cili ndodhet në spital nën kujdesin e mjekëve.
Shërbimet e Policisë dhe grupi hetimor po vijojnë punën intensive për identifikimin e autorit dhe zbardhjen e plotë të ngjarjes. Janë ngritur pika kontrolli në të gjitha hyrje-daljet e qytetit të Lushnjës me qëllim kapjen e autorit.
