Aktorja sèksi Olta Gixhari shumë shpejt pritet të bëhet nënë për herë të parë.
Lajmin e ka dhënë vetë Olta përmes disa fotove të publikuara në Instagram, ku shfaqej në breg të detit në Spanjë duke i dhuruar një puthje partnerit.
Ajo ka preferuar të mos e tregojë identitetin e tij, por një intervistë të dhënë së fundmi për revistën “Story”, bukuroshja ka treguar detaje të reja nga marrëdhënia e tyre.
Olta ka rrëfyer se ata janë njohur për Krishtlindje dhe puthjen e parë e kanë dhënë shumë kohë më pas duke qenë se ajo nuk besonte tek lidhjet në distancë.
“Jemi njohur për krishtlindje. Shumë më vonë dhamë puthjen e parë. Unë ika erdha në Spanjë shumë herë, pastaj ndodhi puthja e parë. Gjërat që nuk beson, ato ndodhin. Unë nuk besoja kurrë tek lidhja në distancë. Nuk e mendoja kurrë një marrëdhënie, bashkëjetesë, martesë me dikë që jeton jashtë. Kjo ishte aryseja pse ika erdha shumë herë derisa e mora seriozisht dhe dhashë puthjen e parë. Njëri nga ne duhet të këmbëngulte, të tregonte besim në këtë marrëdhënie”, u shpreh aktorja.
