Miku i muzikantit Kujtim Prodani, Vasil Sofokli Tole ka publikuar mesazhet e fundit me të, teksa ai ishte në spital.
Përmes një postimi në rrjetet sociale, tregohen mesazhet ku Prodani i kishte thënë se ëhstë vetëm një flamë dhe do e kalojë së shpejti.
Fatkeqësisht Kujtim Prodani u nda nga jeta ditën e sotme në moshën 57-vjeçare pas infektimit me koronavirus.
Postimi i plotë:
Lajm i hidhur farmak, largimi i parakohshëm i Kujtim Prodanit, djalit artist të prindërve artistë, të mëdhenjve të muzikës sonë Agim Prodani dhe Anita Take.
Ishim kolegë e miq të mirë prej viteve studentore, ish studentë të kompozicionit në klasën e profesorit Kozma Lara. Në muzikën që shkroi e interpretoi vijoi traditën e Prodanëve në muzikë, duke e pasuruar atë me tingujt e shpirtit të tij të bardhë, të sinqertë e të qeshur.
Ishte optimist, deri në fund, si një akord mazhor! Iku në ditën e bardhë të Ujit të Bekuar!
Komunikimin e fundit me të e pata më 31 dhjetor, një fragment të të cilit po e vendos më poshtë!
Ngushellime vellait te tij, te afermve, miqve dhe komunitetit te muzikes per kete humbje pa kthim.
Lamtumirë artist!
