Një punëtor shqiptar në Milano është arrestuar pasi gjatë kontrollit në banesë i janë gjetur 21 kg heroinë. Dyshimet e policisë lindën pasi vunë re një furgon me një burrë në bord, i cili ndaloi në rrugë duke pritur dikë.
Pas pak, mbërriti një burrë tjetër i cili hipi në automjet dhe më pas zbriti pas disa çastesh dhe hyri në një ndërtesë duke humbur gjurmët. Menjëherë agjentët ndaluan furgonin duke e kapur shoferin me 10 gr kokainë.
Përgjigja e shqiptarit 48-vjeç ishte se e kishte për përdorim personal, por agjentët nuk u bindën dhe gjatë kontrollit në apartamentin e tij iu gjetën edhe 43 pako me heroinë me peshë 21 kg.
Gjithashtu policia sekuestroi 2.5 kg përzierës, material ambalazhi, presa dhe 5,000 euro.
Shqiptari kishte në Itali për më shumë se 20 vjet, ishte pa precedent dhe punonte në një kompani si punëtor ndërtimi.
