Sipas Meteoalb temperaturat e larta do të vijojnë edhe në dy ditët e fundit të qershorit.
Fillimi i korrikut sjell rënie të temperaturave me 3 °C, thotë meteorologia Adiola Bami, për edicionin informativ të Rtv Ora.
“Tempetraturat e larta do të vijojnë dhe do të na shoqërojnë deri në dy ditët e fundit të qershorit. Pritet që sot dhe nesër temperaturat të shkojnë në 39 °C. Dy ditët e fundit të qershorit do të vijojnë të mbeten me temperatura të larta dhe mot të nxehtë.
Moti do të freskohet në tre apo katër ditët e para të korrikut me temperaturat, që do të shkojnë 34 me 35 °C. Duke filluar nga dita e enjte presim rënie me 3 gradë.
10 ditëshi i parë i korrikut pritet të ketë vlera normale, ku vlerat termike do të shkojnë 34 dhe 35 gradë celcius. Në 10 ditëshin e dytë të korrikut temperaturat do pësojnë rritje.”
