Qytetari ankohet tek “shqiperiaqeduam.al”, i rikthehen uji dhe dritat

Sefkë Bashalli, banor në zonën e Yzberishit në Tiranë u ankua tek platforma e bashkëqeverisjes për dy problematika. E para se nuk furnizohej mjaftueshëm me ujë të pijshëm dhe e dyta se rruga ku banonte nuk ishte e ndriçuar.

Ankesa u trajtua dhe UKT verifikoi se stacioni i pompimit në zonën ku banonte qytetari kishte defekt dhe mori masat për ta rregulluar duke kthyer në gjendje normale furnizimin me ujë.

Ndërsa Drejtoria e Përgjithshme Nr. 2 e Punëtorëve të Qytetit, verifikoi se llampat e ndriçimit të rrugës ishin djegur dhe mori masa për zëvendësimin e tyre.

Rasti u soll në vëmendje gjatë takimit të përjavshëm të koordinatorëve të bashkëqeverisjes në prani të Kryeministrit Edi Rama.ATSH