Rama: Opozita në Kuvend me mandate të pjekura, por jo të djegura

laberianews.com

Kryeministri Edi Rama theksoi sot në Kuvend se “bujarisht grupi më ka dhënë 40 minuta për të folur, por unë zoti kryetar minutat e mia në këtë foltore do t’ia fal liderit të opozitës , i kthyer këtu me mandate të pjekura, por jo të djegura”.

“Sot më shumë se asnjëherë askush më kollaj se vetë Lulzimi nuk mund t’i tregojë shqiptarëve pse zgjidhja e tyre e vetme është dhe do të jetë kjo shumicë qeverisëse”, tha Rama.

Kreu i qeverisë u shpreh se “unë vetë do të shkoj të vazhdoj dialogun e vështirë me studentët”.

Më pas seanca u ndërpre për shkak të incidentit të krijuar nga deputeti i Partisë Demokratike, Endri Hasa, i cili tentoi të godasë kryeministrin Rama.

Pas rinisjes së seancës, kryetari i Kuvendit Gramoz Ruçi thirri mbledhjen e menjëhershme të Byrosë së Kuvendit, ku do të kërkojë përjashtimin me 10 ditë nga seancat të deputetit Hasa.

Po ashtu kryeparlamentari Ruçi ndërpreu me një orë seancën plenare. ATSH