Kryeministri Edi rama ka reaguar për herë të parë rreth vizitës së tij në SHBA për të kontaktuar në mënëyrë të drejtëpërdrejtë prodhuesit e vaksinës anti-Covid.
Ai ndan lajmin se ka takuar bosin e Pfeizer dhe se do të sigurojë vaksinën për Shqipërinë.
Më tutje, kryeministri thekson se vaksinimi për Shqipërinë nis dy muajt e parë të vitit të ri.
Mesazhi i Ramës:
Takimi pozitiv me bosin e Pfeizer, Albert Burla, në qendrën e kompanisë prodhuese të vaksinës në Nju Jork, përmbylli komunikimet tona të kësaj vizite kërkimore për të siguruar vaksinën për Shqipërinë – një sfidë e jashtëzakonshme në kushtet e një kërkese globale marramendëse.
Prodhimi është ende shumë më i ulët se sa kërkesa botërore! Por ambicia jonë është mos mbetemi mbrapa në radhën e stërgjatë të shteteve që kërkojnë vaksinën!
Përveç kanalit të sapohapur për vaksinën Pfeizer do hapim në vijim edhe kanalet për vaksinat Moderna dhe Astrazeneca.
Ambicia jonë është që brenda dy muajve të parë të vitit të ri të nisim vaksinimin!
Duke e pamundur po ne do t’ia dalim, pavarësisht vështirësisë së skajshme në këtë situatë për të gjithë, ku sidoqoftë vendet më të vogla e me të ardhura më të ulëta janë dhe më të dizavantazhuarat!
