Zëdhënësi i Presidentit Meta, Tedi Blushi ka reaguar në Facebook ndaj kryeministrit Edi Rama. Blushi shkruan se tallja që i bëri Rama sot një qytetari është një fyerje për dinjitetin e çdo socialisti. Ai shprehet se vetëm një i sëmurë psiqik mund të tallet me një njeri në nevojë.
“Tallja vulgare, denigrimi dhe poshtërimi që Edi Rama i bëri sot një qytetari në nevojë, të degraduar dhe në mjerim të plotë për shkak të keqeverisjes së tij është një fyerje në dinjitetin njerëzor për çdo socialist, për çdo të majtë dhe për çdo shqiptar të ndershëm që vuan në varfëri ekstreme nga politikat antikombëtare të “Rilindjes” që kanë pasuruar vetëm një tufë oligarkësh dhe horrash në kurriz të popullit.
Kjo është fytyra e vërtetë dhe e vetmja alternativë që i ofron shqiptarëve ky i sëmurë psiqik: Vidh, denigro dhe sundo.
A mund të quhet socialist ky njeri që tallet publikisht me një person në nevojë?
A mund të quhet i majtë?
A mund të quhet shqiptar?
Cili kryeministër në botë tallet me varfërinë dhe mjerimin që i ka shkaktuar popullit të tij?
Vetëm një i sëmurë psiqik po.
Vojo Kushi nuk mbante veshur këpucë. Ai hipi mbi tank këmbëzbathur!
RUAJU NGA INATI I URAGANIT POPULLOR DJALI I KRISTAQ RAMËS!
KE HESAPE PËR TË LARË!”-shkruan Tedi Blushi.
