Ylli i madh i Portugalisë dhe njëkohësisht idhulli i Cristiano Ronaldos, ka folur së fundi në lidhje me futbollistin më të mirë të vitit.
E kemi fjalën për Luis Figon, i cili së fundi ka thënë se Luka Modric e meriton të jetë më i miri në botë. Figo mendon se mesfushori i Real Madridit dhe Kroacisë, Luka Modric, është një fitues i denjë i “Goal 50” të këtij viti.
“Ai është njëri prej atyre, që sigurisht e meriton një çmim individual, – tha ish-sulmuesi i Real Madridit, Luis Figo, për “Goal.com”. – Këto çmime janë gjithmonë subjektive, por, pa dyshim, Modric ka pasur një sezon të mrekullueshëm.
Ai bëri dallimin me ekipin kombëtar kroat dhe me Real Madridin. Për këtë arsye, çmimi i tij është i merituar. Unë jetoj në Madrid dhe, megjithëse nuk kemi luajtur së bashku, frekuentojmë të njëjtat vende, rrimë me të njëjtët njerëz, kalojmë bashkë edhe momente familjare. Modric është një njeri i shkëlqyer dhe më bën të lumtur që këtë vit ai ka fituar kaq shumë trofe individualë”.
