Kanë vijuar debatet mbrëmjen e sotme në studion e emisionit “Open”.
Present këtë herë kanë qenë përfaqësuesit e palëve politike PD dhe PS, respektivisht, ish deputeti Salianji dhe deputeti socialist Qefalia.
Teksa diskutohej në lidhje me atentatin e Derrësit, ndaj prokurorit Ndoj, situata ka agravuar deri në përplasje politike mes palëve. Deklaratës së Salianjit se “nëse sistemi i drejtësisë do të funksiononte Rama dhe Braçe duhet të ishin hetuar të parët”, i është përgjigjur në mënyrë ironike deputeti socialist Qefalia, i cili shprehet se ka qenë pikërisht ky vullnet politik që e ka katandisur në këtë gjendje PD-në.
Qefalia i është përgjigjur ashpër akuzave të Salianjit ndaj Ramës, se “figurat politike me të shkuar kriminale, pjesë e institucioneve drejtuese, janë përgjegjësi e kryeministrit dhe se bandat dhe krimi kanë marrë dhenë.”
“Sot nuk ka marrë dhënë krimi, por ju PD-ja dhe nuk dini të orjentoheni”, ka thënë deputeti socialist.
Pjesë nga debati në studio:
Salianji: Kjo KÇK është që shteti të dal aty dhe të thotë që gjithçka është organizatë kriminale dhe unë jam në krye të saj.
Prokuroria dhe gjykata nëse ka patur një element thelbësor është që politika të mos fus hundët në punët e saj. Ç’punë ka kryeministri të flas për çështje të tilla?
Ne si demokrat i kemi denoncuar dhe me ligjin e dekriminalizimit janë larguar 330 veta.
Këtu bëhet për 170 hektar prona dhe 240 milion euro që i janë dhënë krimit. Kryeministri duhet të marrë masa. Këta persona duhet të përfundojnë të gjithë në burg me forcën e ligjit. Nëse do të kishte një prokurori funksionale të parët që duhej të thirrej për tu marrë në pyetje në këtë rast duhet të ishte Edi Rama dhe Erjon Braçe.
Qefalia: Ky është vullneti politik i juaj, që të keni një kryeministër që të fus hundët në punët e Prokurorisë. Prandaj jeni katandisur të gjithë kështu ju.
Salianji: Përfshirja e prokurorit me një bandë apo një njeri që i përket botës kriminale nuk është gjë e mirë. Të dyja palët i shërbejnë kryeministrit në të njëjtën mënyrë.
Kryeministri është votuar edhe për të sulmuar krimin. Kryeministri nuk flet, por merr masa. Ai me vullnet politik i fut në burg, jo t’i bëjë kryetar këta dhe t’i fus në politikë.
Kryeministri ka shërbimin informativ dhe ka policinë. Ai duhet t’ia çoj përpara përgjegjësisë Ministrisë së Drejtësisë. Prokurori është ngjarje më e rëndë sepse është punojës i shtetit.
Sot është e pavarur kjo, e pavarur ajo dhe nuk ka shtet. Sot në çdo qytet mbizotërojnë bandat. Kanë prona dhe pasuri bandat. Nuk mund të rrimë kështu sepse krimi ka marrë dhenë.
Qefalia: Sot nuk ka marrë dhenë krimi, por ju PD-ja dhe nuk dini të orjentoheni. E keni parasysh se sa kohë duhet për të zgjidhur një krim. Se një person ka përgjegjësi penale, nuk do të thotë se edhe dikush nga familja e tij duhet të jetë i tillë. Unë nuk jam shumë pro këtyre çështjeve.
