Spitalet dhe qendrat shëndetësore në vend të gjitha në gatishmëri (foto)

Prej disa ditësh, vendi ynë është përfshirë nga reshje të dendura dëbore shoqëruar me ulje temperaturash dhe ngricash gjë që ka vështirësuar qarkullimin dhe ka krijuar kufizime për komunitetin në disa prej qarqeve në vendin tonë.

Të gjitha strukturat shtetërore, mbi dy mijë efektivë të Forcave të Armatosura, Policisë së Shtetit, punonjës të OSSHE dhe të shëndetësisë janë në gatishmëri të plotë për t’iu gjendur pranë banorëve, për çdo problem.

Ministrja e Shëndetësisë dhe e Mbrojtjes Sociale, Ogerta Manastirliu bën të ditur se nga veriu në jug, jo vetëm spitalet por edhe qendrat shëndetësore në të gjithë vendin janë në gatishmëri për të përballuar rastet emergjente që mund paraqiten në zonat e prekura nga dëbora.
Krahas gatishmërisë së ekipeve mjekësore, edhe ekipet e shërbimit social janë në terren për të mbështetur familjet në nevojë. /atsh