Studentët vazhdojnë të qëndrojnë të pathyeshëm!

Studentët janë sot në ditën e 11-të të protestës. Ata kanë theksuar se nuk do heqin dorë nga kërkesat e tyre që i kanë bërë publike. Të rinjtë kërkojnë plotësimin e këtyre kërkesave dhe jo dialog me kryeministrin.

Gjithashtu Këshillat Studentorë kanë dalë me një deklaratë, ku kanë kërkuar që ditën e hënë studentët të mbështeten edhe më shumë nga i gjithë populli shqiptar.

Në deklaratë shkruhet se protesta do të nisë në orën 10:00, ashtu siç ka nisur edhe ditët e tjera.