Shkencëtarët australianë kanë zbuluar se helmi i bletës shkatërron qelizat agresive të kancerit të gjirit.
Helmi dhe një përbërje në të e quajtur melittin u përdorën kundër dy llojeve të kancerit të cilat janë të vështira për tu trajtuar.
Zbulimi është përshkruar si “emocionues”, por shkencëtarët paralajmërojnë se nevojiten ende prova të mëtejshme.
Kanceri i gjirit është kanceri më i zakonshëm që prek gratë në të gjithë botën. Ka mijëra përbërës kimikë që mund të luftojnë qelizat kancerogjene në një mjedis laboratorik. Shkencëtarët thonë se ka pak përbërës kimik që mund të prodhohen si trajtim për njerëzit.
Helmi i bletës është zbuluar më parë të ketë veti anti-kancer për lloje të tjera të kancerit të tilla si melanoma.
Studimi nga Instituti i Kërkimeve Mjekësore Harry Perkins në Australinë Perëndimore është botuar në Nature Precision Oncology, një revistë e vlerësuar nga kolegët.
Çfarë gjetën studiuesit?
Shkenctarët morën helmin nga mbi 300 bletë dhe mjaltin e tyre. Ekstraktet e bletës u panë së janë “jashtëzakonisht të fuqishme”, tha Ciara Duffy, një studiuese PhD 25-vjeçare që drejtoi studimin.
Në një përqendrim helmi u zbulua se shkatërroi qelizat kancerogjene brenda një ore, me dëmtime minimale në qelizat e tjera. Por toksiciteti u rrit për nivelet e tjera të dozimit.
Studiuesit gjithashtu zbuluan se përbërja e melittinit ishte e efektshme në “mbylljen” ose përçarjen e rritjes së qelizave kancerogjene.
Ndërsa melittin rritet natyrshëm tek bletët, ai gjithashtu mund të prodhohet sintetikisht.
Tradicionalisht, kanceri i gjirit i trefishtë negativ një nga llojet më agresive është trajtuar me kirurgji, radioterapi dhe kimioterapi. Ajo përbën 10-15% të kancerit të gjirit. Duket se helmi i bletës mund ta luftojë përfundimisht.
A mund të përdoret në të ardhmen?
Të mërkurën, shkencëtari kryesor i Australisë Perëndimore e përshkroi kërkimin si “tepër emocionues”.
“Në mënyrë domethënëse, ky studim demonstron se si melittin ndërhyn në rrugët sinjalizuese brenda qelizave të kancerit të gjirit për të zvogëluar zmadhimet e qelizave”, tha Prof Peter Klinken.
“Ai siguron një shembull tjetër të mrekullueshëm se si përbërësit në natyrë mund të përdoren për të trajtuar sëmundjet njerëzore.”
Por studiuesit paralajmërojnë se duhet më shumë punë për të parë nëse helmi në të vërtetë mund të funksionojë si një ilaç që lufton kancerin.
Studiues të tjerë të kancerit pajtohen me këtë kërkim por gjithashtu shprehen se:
“Është shumë e herët,” tha Profesori i Asociuar Alex Swarbrick, nga Instituti i Kërkimeve Mjekësore Garvan në Sidnei.
“Shumë përbërës mund të vrasin një qelizë të kancerit të gjirit në një pjatë ose mi. Por ka një rrugë të gjatë për të shkuar nga ato zbulime në diçka që mund të ndryshojë praktikën klinike,” i tha ai BBC. K.K/ LajmiFundit.al
