Televizioni publik Austriak ORF 2 do të shfaqë sot në mbrëmje për herë të parë një prej dokumentarëve më të mirë të realizuar ndonjëherë mbi natyrën shqiptare. Dokumentari do të shfaqet në gjuhën gjermane me titra në gjuhën angleze.
Në dokumentarin e televizionit austriak përshkruhet liqeni i Shkodrës dhe fauna e tij, ”larg, në Europën Juglindore, një vend i dominuar nga majat e larta dhe me ujëra të kristal, është shtëpia e një game të gjerë kafshësh të egra: Shqipëria. Liqeni i Ohrit, liqeni më i vjetër i Europës, në lindje, mbështet qindra kafshë endemike. Liqeni më i madh i Ballkanit, Liqeni i Shkodrës, dikur pjesë e detit Adriatik, është një rezervë e madhe e shpendëve që mbron pelikanët dalmat, një specie nga më të rrallat në planet”.
”Vetëm 7 metra thellë, Liqeni i Shkodrës pret një shumëllojshmëri të kafshëve të vogla në kënetat e saj që ushqehen me heron, ibis dhe flamingo. Në pranverë, ajo është e mbuluar nga miliona zambakë uji, strehë e përkryer për gjarpërinjtë dhe grabitqarët e tjerë. Ky rajon gjithashtu strehon grabitqarët e mëdhenj, arinjtë e murrmë, rrëqebull dhe çakallët, në një habitat të paprekur. Ky është me të vërtetë një Eden i fshehur!”, thuhet në dokumentarin e televizionit austriak. /atsh
