Një tërmet me magnitudë 6.1 ballë të shkallës Rihter ka goditur sot brigjet e Timorit Lindor në oqeanin Paqësor, sipas Shërbimit Gjeologjik i SHBA-ve .
Si pasojë e lëkundjeve të forta vendi rrezikon të goditet nga një cunami, shkruajnë mediet perëndimore. Megjithatë deri më tani nuk është dhënë asnjë alarm zyrtar për cunami.
Tërmeti ndodhi në një thellësi prej 51.4 kilometrash nga maja lindore e ishullit të Timorit, i cili i përket gjysmës së rrugës Timorit Lindor dhe Indonezisë.
Timori Lindor ndodhet në të ashtuquajturën Unaza e Zjarrit të Paqësorit, ku kryqëzohen pllakat tektonike dhe regjistrohet një aktivitet intensiv sizmik. Në shkurt, një tërmet me magnitudë 6.2 ballë në veri të Sumatrës në Indonezinë fqinje vrau të paktën tetë njerëz.
Në vitin 2004, një tërmet me magnitudë 9.1 goditi brigjet e Sumatrës dhe shkaktoi një cunami që vrau të paktën 220,000 njerëz në të gjithë rajonin, duke përfshirë 170,000 në Indonezi.
