Presidenti Bajram Begaj ka shkarkuar këtë fundjavë 25 punonjës të administratës së presidentit.
Burime për Euronews Albania konfirmojnë se 17 prej tyre janë me status të nënpunësit civil, pjesa tjetër pa këtë status dhe punonjësit e mbetur janë këshilltarë.
Pjesa më e madhe e këtyre personave kanë shërbyer për shumë presidentë dhe e kanë fituar vendin e punës me konkurs DAP-it.
Kjo vale shkarkimesh vjen pas disa dorëheqjeve nga disa prej keshilltarëve në muajt korrik dhe gusht, por edhe disa shkarkimeve në shtator, ku me i bujshmi ishte ai i Edvin Zhvarc.
Edvin Shvarc i ka shërbyer 5 presidentëve në 19 vjet. Por me ardhjen e Bajram Begajt në krye të shtetit ai është larguar nga puna. Shvarc, ka konfirmuar se më 23 gusht i është komunikuar largimi.
