Terminali i ri në Vlorë me kapacitet të plotë, 2500 pasagjerë në ditë (foto)

Ministrja e Infrastrukturës dhe Energjisë, Belinda Balluku inspektoi sot terminalin e ri të Portit të Vlorës, i cili ka nisur funksionimin me kapacitet të plotë.

Ministrja e Transporteve Belinda Balluku, e cilësoi këtë investim cilësor dhe mundësi për evitim radhësh të pasagjerëve në kohë fluksi.

“Me standardet më të larta terminali ofron shërbim cilësor për qytetarët dhe redukton kohën e pritjes.

 I mundësuar me kapacitetet financiare të vetë shoqërisë portuale, e bën një shembull të mirëmenaxhimit të fondeve shtetërore. 

Sot ai bën të mundur përpunimin e mbi 2500 pasagjerëve në ditë, duke e kthyer këtë port pa dyshim në pikën më të rëndësishme të turizmit në jug të vendit”, – tha Balluku./atsh