Trafik – Radha e makinave nis në Dukat dhe përfundon në Vlorë

Mbremjen e te dieles në Vlorë me qindra automjete që po kthehen nga bregdeti kanë krijuar trafik të rënduar, që është disa kilometra i gjatë.

Vargu i makinave mësohet se nis nga fshati Dukat dhe vijon deri në qytetin e Vlorës.

Për të përshkuar këtë aks prej 25 km qytetaret po qëndrojnë në trafik edhe tre orë.

Situata vijon të jete po e njëjta, edhe pse policia rrugore qëndron në rruge për normalizimin e situates, por makinat janë të shumta dhe kthimi i tyre në të njëjtin hark kohor ka krijuar edhe këtë situatë.