Ty s’tĕ do sovrani- more Lulĕzim!!
Ti Luli-gënjeshtrës,
ja ke marrë dorën,
siç thosh Ilir Meta:
“Gënjen dhe për orën!.”
Rama plot dy letra,
tyja t’i ka shkruar,
po ti tek Sovrani,
e ke adresuar!
E di gjithë vendi,
dhe ti vetë e di,
se tyja-Sovrani,
s’të sheh dot me sy!
Ke pesë muaj plot,
poshtë dhe përjetë,
dhe s’ke bërë dot bashkë,
as Njëzet mijë vetë!
S’mbush dot as oborrin,
e Shtëpisë Qendrore,
si s’ke turp ta quash,
protestë popullore?!
Sa mbledh ti Lulash,
tok me LSI-në,
Rama mbledh dhjetëfishin,
me një fishkëllimë!
Ti një muaj plot,
bredh gjithë Shqipërinë,
lutesh tok me Monën,
po njerëzit s’ju vinë!
Njerëzit nuk të vinë,
xhan-o Lulëzim,
se tek ty dhe Mona,
nuk kanë besim!
Po si mund të dojë,
populli shqiptarë,
ty edhe Monikën,
super gënjeshtarë!
Ti kërkon pushtetin,
ta marrësh me dhunë,
thua-ngrihu prift,
se do ulem unë!
Po prifti nuk ngrihet,
që hoxha të ulet,
se për ty akoma,
nuk kanë çelur lulet!
Prifti nuk të ngrihet,
ty-mor lafarak,
se je gënjeshtar,
edhe frikacak!
Dhe tani që je,
me zonjën Monikë,
nuk konkurron dot,
se zgjedhjet ke frikë!
Siç fiku nuk piqet,
në dëborë e shi,
as Rama s’dorëhiqet,
vetëm se do ti!
Ti për atë punë,
je në opozitë,
që këtë dorëheqje,
ta kërkosh çdo ditë!
Pse nuk pyet Salën,
që është më i vjetri,
që s’quhet dorëheqje,
kur ta kërkon tjetri!
Se dorëheqja është,
veprim personal,
ndaj Rama që s’ikën,
s’bën ndonjë skandal!
Skandal po bën SHQUPI,
tok me LSI-në,
që kërkon-sërish,
të djegë Shqipërinë!
Që po na betohen,
se do djegin shtetin,
si një rrugë e shkurtër,
për të marrë pushtetin!
Ndaj dhe Rama fort,
duhet të qëndrojë,
që kjo maskaradë,
të mos funksionojë!
A.DUKA
