Familja e Admir Muratajt, personit qe mbeti i vrarë në shkëmbimin me armë zjarri me forcat e rendit pas grabitjes së 9 prillit në aeroportin e Rinasit, ka depozituar sot një kallëzim penal në prokurori ndaj Policisë së Shtetit.
Padia është ngritur nga vajza e 47-vjecarit Murataj, përmes avokatit Arbër Hoxhaj. Kallezimi i adresohet punonjësve te FNSH-së me akuzen për vrasjen e babait të saj.
“Admir Murataj është qëlluar për t’u vrarë. Ai që e ka qëlluar duhet të vendoset përpara drejtësisë. Mundet që edhe punonjës të policisë mund ta kenë qëlluar për ta vrarë dhe kjo duhet hetuar për t’u vënë përpara drejtësisë”, tha me tej avokati.
Nga të dhënat e para që policia dha për këtë ngjarje, u raportua se pati shkëmbim zjarri mes grabitësve dhe forcave të policisë, e si pasojë e mbeti i vrarë Admir Murataj.
