Hetimet mbi vdekjen e 26-vjeçares shqiptare Anila Grishaj në Itali vijojnë ende.
Mediat italiane raportojnë se në regjistrin e të dyshuarve në lidhje me vdekjen e 26-vjeçares me origjinë shqiptare që humbi jetën pasditen e 15 nëntorit në kompaninë Bocon në Pieve di Soligo, është edhe shefi ekzekutiv (CEO). Regjistrimi i drejtorit ekzekutiv të kompanisë, të specializuar në tregtimin e ushqimeve të ngrira, është bërë vetëm si garanci. Kjo pasi në ditët në vijim, në fakt, do të bëhet një vlerësim teknik për makinerinë në të cilën shefi ka të drejtë të marrë pjesë nëpërmjet konsulentit të tij.
Në hetim për veprën e vrasjes nga pakujdesia është edhe kolegu që aktivizoi makinerinë në të cilën punonte Anila.
Sipas hetuesve, për momentin nuk ka asnjë element të dobishëm që mund të tregojë se aksidenti ndodhi pasi një element specifik sigurie nuk u respektua. Makineria është blerë majin e kaluar dhe duket se është e gjeneratës së fundit. Hipoteza që do të hapte rrugën e saj do të ishte ajo e një ndërhyrjeje anormale në makinerinë, një situatë që mund të kishte mashtruar punëtorin tjetër, i cili ishte detyruar të rindizte makinën, për të cilën ai besonte se ishte fikur gabimisht.
Megjithatë, dinamika e vdekjes së Anilës u kap nga kamerat video të vëzhgimit brenda kompanisë dhe të cilat mund të tregonin më shumë për llojin e ndërhyrjes që po kryente punëtori i ri dhe për rrjedhojë respektimin e procedurave të diktuara nga protokollet e sigurisë.
